आशिष शेलार, जॅकी श्रॉफ, सुभाष घईंच्या उपस्थितीत पार पडला प्रीमिअर शो
‘अमारिया’ या बहुप्रतिक्षित मराठी चित्रपटाचा भव्य प्रीमियर मोठ्या जल्लोषात पार पडला आणि त्याला उपस्थित राहिलेल्या मान्यवरांनी हा क्षण अविस्मरणीय ठरवला. आयटी आणि सांस्कृतिक कार्यमंत्री आशिष शेलार यांच्या उपस्थितीने या कार्यक्रमाला केवळ राजकीय नव्हे तर सांस्कृतिक महत्त्व प्राप्त झालं. ज्येष्ठ अभिनेते जॅकी श्रॉफ यांच्या उपस्थितीने सभागृहात उत्साहाची लाट उसळली, तर दिग्दर्शक सुभाष घई यांनी आपल्या अनुभवाच्या छायेत ‘अमारिया’च्या निर्मितीला शुभाशीर्वाद दिला. या कार्यक्रमात अभिनेता अजिंक्य देव, अभिनेत्री राजश्री देशपांडे, पूजा सावंत आणि सई गोडबोले यांचानीही हजेरी लावली.
चित्रपटाच्या कलाकारांनी आणि तंत्रज्ञांनी केलेल्या परिश्रमाचं कौतुक करताना मंत्री आशिष शेलार यांनी सांगितलं की, मराठी सिनेमा ही केवळ मनोरंजनाची माध्यमं नसून ती आपल्या समाजाचं संस्कृतीचं प्रतिबिंब आहे आणि ‘अमारिया’सारखा चित्रपट त्या परंपरेला नवी दिशा देतो. उपस्थित मंडळींनी चित्रपटातील सादरीकरण, दिग्दर्शन आणि अभिनयाचं भरभरून कौतुक केलं. ‘अमारिया’ केवळ एक सिनेमा नसून, भावनिक, सामाजिक आणि कलात्मक स्तरांवर मराठी सिनेमाला समृद्ध करणारा एक अनुभव ठरू पाहतो आहे.
